“الإنسولين” الهرمون الخفي و السبب الرئيسي ورا أغلب الأمراض المزمنة والمشاكل الصحية
حنعرفكم على وظيفة الانسولين بالجسم بطريقة مختصرة. بالمقال هاد حنتعرف على خفايا الإنسولين و السبب انه من أهم الهرمونات يلي بتأثر على حياتنا اليومية.
علاقة السكر بالإنسولين
لما بناكل بيرتفع السكر بالدم و وجود هالسكر بالدم بنظمه الانسولين , بتتحول الكربوهيدرات الى جلوكوز وبتدخل للدم وقتها بينفرز الانسولين و بيبدأ ينظم السكر بالدم عن طريق انه يخلي الخلايا تستخدم هالسكر(الجلوكوز) كطاقة، والسكر الزايد حيتخزن بالخلايا ليستخدم كطاقة لما يحتاجها الجسم. بس يكون الانسولين عالي حيخزن السكر الزايد على شكل (غلايكوجين) بالكبد و لما يكون الانسولين منخفض حيستخدم هالغلايكوجين المخزن لينظم مستوى السكر بالدم.
مقاومة الإنسولين (فرط الانسولين)
مع ارتفاع السكر المزمن (بيختلف ع حسب نوعية الاكل و الكمية) حينتج خلل بالانسولينو يوقف يشتغل بصورته الطبيعية و حيتراكم السكر بالدم و يضل الانسولين عم ينفرز بكثرة (فرط الانسولين) لانخفاض تأثيره، هالارتفاع بالانسولين مع الزمن هو السبب ورا العديد من الامراض منها السكري، ارتفاع ضغط الدم، الكوليسترول، تكيس المبايض، الكبد الدهني و ارتفاع الاتهابات,
أعراض مقاومة الإنسولين (فرط الانسولين)
من الاعراض الغير الشائعة لمقاومة الانسولين (فرط الانسولين):
- اختلال في معدل الحرق بالجسم (معدل حرق بطيء)
- زيادة الوزن
- ثبات الوزن
- الشهية المفتوحة لأكل السكر و الكربوهيدرات
- التعب والخمول بعد تناول الاكل
- عدم الاحساس بالشبع
- زيادة الالتهابات بالجسم
- تركز الدهون في منطقة البطن
- حب الشباب
- المزاج المتقلب
- انعدام التركيز
أكتر مشكلة ممكن تواجه الشخص اللي عنده هالمقاومة بالانسولين هي ثبات الوزن رغم اتباع حمية غذائية و ممارسة الرياضة و السبب هو اختلال بمعدلات الحرق (الأيض) بالجسم بسبب عدم تنظيم السكر بالدم وهالشي بخلينا نتأكد انه معدلات الحرق غير مرتبطة بالجينات و الوراثة و إنها ممكن تتصحح و تتعدل بتنظيم السكر والانسولينز
أسباب مقاومة الإنسولين (فرط الانسولين)
من أهم الأسباب اللي بتسببلنا خلل و ارتفاع السكر الدم وبالتالي خلل في كمية افراز الانسولين هي :
- الاكل اللي بيحتوي على نشويات (كربوهيدرات) عالية خاصة الكربوهيدرات البسيطة ذو مؤشر سكري عالي.
- تناول السكريات بكافة انواعها الصناعية والطبيعية مثل: (الفواكه السكرية بكميات عاليةأو العصائر الطبيعية)
- الاكل المستمر طول اليوم (متل اكل ٣ وجبات اساسية مع اكل وجبات خفيفة(سناك) حتضل تعرض الجسم لارتفاع سكر مستمر و ارتفاع الانسولين لحتى يصير مزمن.
- ارتفاع هرمون الكورتيزول (هرمون الاجهاد و التوتر )يساهم بالتأثير على الانسولين بخلي العضلات والخلايا الدهنية مقاومة للإنسولين و بزيد من الجلوكوز
طرق علاج مقاومة الإنسولين (فرط الإنسولين)
بما انه المشكلة بتكمن بزيادة افراز الإنسولين و عدم استجابة المستقبلات الموجودة على الخلايا، فالحل الأنسب هو انه نزيد من حساسية الإنسولين بالجسم، و هل الشي بيصير عن الحد من المسببات الى بترفع الإنسولين بالأساس، أكل النشويات العالية بالسكر؟ عدد الوجبات باليوم؟
- تخفيف او قطع الكربوهيدرات البسيطة و السكريات من نظامنا الغذائي.
- قطع الوجبات الخفيفة (سناك) بين الوجبات الرئيسية, ثم خفف عدد الوجبات الى وجبتين أو وجبة واحدة يوميا (مع الحفاظ على نفس السعرات الحرارية الازمة اليومية)
- الصيام المتقطع بوجبتين، حصر نافذة الغذاء الى 6 الى 4 ساعات يوميا (يفضل عدم تناول وجبات خفيفة بين الوجبتين)، و صيام الساعات المتبقية عن الطعام، او تناول وجبة واحدة باليوم تحتوي على جميع العناصر الغذائية الازمة مع الحفاظ على سعرات حرارية اليوميو الازمة)
- الصيام المطول عن الأكل (صيام الماء) لأكثر من 24 ساعة، الصيام مطول لديه العديد من الفوائد الصحية، مع التوقف عن الأكل لفترة طويلة بنعطي الجسم فرصة ليجسن من حساسية الإنسولين.
- تناول المكملات الغذائية الى بتساعد على تنظيم السكر بالدم مثل (كروميوم و البربرين)و خل التفاح العضوي.
- ان كان و لابد من تناول النشويات فيفضل اتباع التالي، ابدأ بتناول السلطة و الخضروات ثم البرويتن و الدهون المفيدة اخيرا تناول النشويات و اتبعها بتحفيز عضلي مثل المشي لنصف ساعة لتحويل هذه السكريات الى مخزون كلايغوجين.
الخاتمة
يمكنك طلب من طبيبك عمل فحص (Insulin Tolerance test ITT) للتاكد من استجابة مستقبلات الخلايا لديك للإنسولين. و عند الحاجة اقترح على طبيبك اتباع انماط الصيام المتقطع او الطويل.
لا تتأخر بأخذ إجراء من التقليل من السكريات و النشويات البسيطة, فالسكري لا يأتي نتيجة يوم واحد إنما هو نتيجة عدة سنوات من اتباع انماط غير صحية في الأكل.